Hikmatli savollar va ibratli javoblar to’plami

19:32, 18 март 2024
6
0

Ushbu ibratli savollar, hayotiy masalalar, hikmatli so’rovlar, va ularga maqbul oqilona javoblar siz uchun ko’p narsaga oydinlik kiritadi.

O’ylashimcha, bunday savollarga hayotingiz davomida juda ko’p duch kelgansiz va yechimi haqida turlicha fikrlagansiz.

Ushbu ibratomuz savollarni javobini kuzatar ekansiz, o’zingiz uchun yangi haqiqatlarni kashf etsangiz ajab emas.

Nimani o’rgatib va o’rganib bo’lmaydi?

Javobini ko`rsatish
Soddadillikni.

Kim donishmand?

Javobini ko`rsatish
O’z aybini ko’ra bilgan va uni tan olgan kishi.

Buyuklar hayotidan nima olinadi?

Javobini ko`rsatish
Ibrat olinadi, unga amal qilinadi.

Nodonlar hayotidan-chi?

Javobini ko`rsatish
Saboq olinadi, undan xulosa chiqariladi.

Nimani kechirib bo’lmaydi?

Javobini ko`rsatish
Xiyonatni, xiyonatni va yana xiyonatni.

Har bir kishi uchun bu hayotda bajarilishi mushkul bo’lgan vazifalar nimalar?

Javobini ko`rsatish
Aytgan so’ziga o’zi to’liq amal qilishi, o’zganing omonatini u ishonganidek saqlay bilishi, do’stlashgan kishisining ham baxtli, ham og’ir kunlarida birdek yonida turishi, o’ziga ravo ko’rmagan narsani birovlarga ham ravo ko’rmaslik.

Har bir mavjudot muhtoj bo’lgan narsa nima?

Javobini ko`rsatish
Mehr.

Dunyoda nimani topish mushkulu nimani yo’qotish oson?

Javobini ko`rsatish
Yaxshi nom qozonish juda mushkul, uni yo’qotish oson. Zotan, obro’ misqollab topiladi, bil’aks insonning bir arzimagan nojo’ya harakati sabab, ushbu yaxshi nom bir onda chilparchin bo’lishi mumkin.

Tamadan xam kuchli narsani ayt?

Javobini ko`rsatish
Tama yo’lidagi tamagirlik!

Insonlar hayotida ko’pincha ehtiyoj sezadigan xislatlar nimalar?

Javobini ko`rsatish
Asosan uch narsa: teran fikr, hisni jilovlash, qanoat.

Mard kishining xislatlari nimalarda sinaladi?

Javobini ko`rsatish
Asosan uch narsada: kechirimlilik, mas’uliyatni o’ziga olish va so’zida tura bilishda.

Vaqt nima?

Javobini ko`rsatish
Buyuk insonlar uchun hamisha yetishmaydigan, aksariyat uchun ko’pincha boy beriladigan imkoniyat.

Aksar kishilar yo’l qo’yadigan xato nima?

Javobini ko`rsatish
Vaqtdan unumli va maqsadli foydalana bilmaslik.

Dunyoda hech qanday boylik yoki pul bilan sotib olib bo’lmaydigan «insoniy sarmoya»ning nomi nima?

Javobini ko`rsatish
Judayam oddiy: insonlar qalbiga yo’l topa bilish.

Shodlikning ibtidosi nima?

Javobini ko`rsatish
G’am.

G’amning intihosi-chi?

Javobini ko`rsatish
Shodlik.

Bundagi mantiq nimadan iborat?

Javobini ko`rsatish
Shodlik yo’q joyga g’am o’rnashadi, g’amning o’rnini esa, vaqt o’tib shodlik egallaydi.

Qanday gapning shov-shuvi katta?

Javobini ko`rsatish
Sekin, shivirlab aytilgan gapning.

Dunyoni nima larzaga soladi?

Javobini ko`rsatish
Murg’ak qalbning iztirobi, mazlumning chekkan nolasi.

Insonlar bir umr intiladigan, biroq hammaga xam nasib qilavermaydigan ne’mat nima?

Javobini ko`rsatish
Qalb osoyishtaligi.

Aqlli kim?

Javobini ko`rsatish
Borliqning go’zalligini ko’ra bilgan va uni qadrlay olgan.

Kim yuksak?

Javobini ko`rsatish
O’zini yer kabi xokisor tutgan kishi.

Ko’pchilikda mavjud bo’lgan nuqson nima?

Javobini ko`rsatish
O’zining aqlliligini boshqalarga ko’rsatishga intilish.

Qachon insonlar o’rtasida o’zaro totuvlik, inoqlik yuzaga keladi?

Javobini ko`rsatish
Qachonki, ularning aytgan so’zlari qalblarida ham uyg’unlikni paydo qilsa.

Inson umridagi «yamoq»lar nimalar?

Javobini ko`rsatish
Uning qalb jarohatlari.

Qanday yumushning oxiri xayrli bo’lmaydi?

Javobini ko`rsatish
Har qanday ishning boshini tutmasdan turib, yomon niyat qilinsa.

Kim kuchli, bir kishimi yoki yuz kishi?

Javobini ko`rsatish
Bir kishi… agarki, unda o’sha yuz kishining fahm-farosati va shijoati mujassam bo’lsa.

Dunyoda inson uchun eng qo’rkinchli narsa nima?

Javobini ko`rsatish
Xalq nafratiga uchrab, vijdon azobida qolish!

Kishiga nima bir umr tinchlik bermaydi?

Javobini ko`rsatish
Orzulari… Armonlari!

Sadoqat nima?

Javobini ko`rsatish
Hech bir narsaga tenglashtirib bo’lmaydigan, hech narsa bilan almashib bo’lmaydigan insoniy burch, tuyg’u.

Qo’shni kim?

Javobini ko`rsatish
Xursandchiligingda hamroh, yomon kunlaringda hassakash bo’lguvchi inson… Agarda u munofiq bo’lsa, hayotdagi xavfli dushmaning.

Xotin kim?

Javobini ko`rsatish
Xonadonning malikasi: yaxshi bo’lsa hayoting jannati, yomon bo’lsa… hayoting do’zaxi.

Inson boshqa yaratiqlardan nimasi bilan farqlanadi?

Javobini ko`rsatish
Ikki narsada: aql-tafakkuri hamda ochko’zligi bilan.

Tinchlik nima?

Javobini ko`rsatish
Muayyan bir jamoaning fikr-maslaklari, orzu-istaklari mushtarak bo’lgan osoyishtalik davri.

Do’stlarga nimani tilasam eng katta yaxshilik tilagan bo’laman

Javobini ko`rsatish
Sog’liq, Sadoqat va Tamasizlikni!

Sabr nima, qanoat nima?

Javobini ko`rsatish
Sabr bu kishi boshiga g’am-tashvish tushgandagi chidam; qanoat boriga ham, yo’giga ham hamisha shukr qiluvchi insondagi botiniy fazilat.

Kishilar zohiran bir-birlari bilan nimada farqlanadi?

Javobini ko`rsatish
Besh narsada: yosh, naql, vazn, bo’y va jinsda.

Kishilar botinan bir-birlari bilan nimada farqlanadi?

Javobini ko`rsatish
Uch narsada: dilda, tilda, amalda.

Bilim, odob, fahmu farosatga erishish yo’llari qanday?

Javobini ko`rsatish
Bilimga kishi o’z mehnati orqali yetishadi, odobga bilim, ota-ona va ustozlar ko’magida erishiladi. Fahm-farosat faqatgina ato etiladi!

Insonga hamisha kamlik qiladigan hislatlar nimalar?

Javobini ko`rsatish
Ular uchta: bilim, odob, fahmu farosat.

Sevgi nima?

Javobini ko`rsatish
Birovga berib bo’lmaydigan, pulga topilmaydigan, faqat dil amriga quloq soladigan nodir tuyg’u.

Mehr-oqibat nima?

Javobini ko`rsatish
Insonni inson darajasida ushlab turguvchi ulug’ fazilat.

Dunyo nima?

Javobini ko`rsatish
Quvsa qochadigan, qochsa quvadigan, hech qachon yetib bo’lmaydigan, hech qachon to’yib bo’lmaydigan, hech qachon do’stlik qilmaydigan bevafo yor.

Or nima, nomus nima?

Javobini ko`rsatish
Insondagi et ila tirnoq kabi ajralmas oliy fazilatlar.

Insondan nima qoladi?

Javobini ko`rsatish
O’chmas iz… agar u insondek bo’lsa.

Nimani baholab bo’lmaydi?

Javobini ko`rsatish
Ezgu amalni, kamtarlikni, sadoqatni.

Ezgu amal nima?

Javobini ko`rsatish
Qalb, tafakkur va vujud mushtarakligida amalga oshirilgan harakat.

Hayot nima?

Javobini ko`rsatish
Kishilarning butun amallari bitilgan, xohlasa-xohlamasa, har kuni bir varag’i yirtib olinadigan umr daftari.

Qalb amri nima?

Javobini ko`rsatish
Dildan otilib chiqqan sado.

Inson kim erur?

Javobini ko`rsatish
Umri davomida insonni tushunishga harakat qilib o’tadigan ongli mavjudot.

Manba: UzBaza.Uz
Ctrl
Enter
Заметили ошЫбку
Выделите текст и нажмите Ctrl+Enter
Комментарии (0)
Топ из этой категории
How to download music to iPhone: 6 easy and free ways How to download music to iPhone: 6 easy and free ways
How to download music to iPhone: 6 easy and free ways You can transfer audio files from a computer or via the Internet...
11.05.24
1
0
O‘qishga kirish uchun minimal o‘tish ballari ko‘tariladi O‘qishga kirish uchun minimal o‘tish ballari ko‘tariladi
O‘qishgakirishuchunminimalo‘tishballari ko‘tariladi Ta’lim granti asosida tahsil olgan talabalarning o‘qishni...
08.05.24
147
0