Bolani muloqot orqali qanday tarbiyalash kerak?

19:30, 18 март 2024
5
0

Bolalarimiz bilan muomala jarayonida qiyinchiliklarga ko‘p uchraymiz, ba’zida oddiy holatlarda ham xatolarga yo‘l qo‘yamiz. Aslida, ko‘zimizga o‘jar, qaysar va gapirmas bo‘lib ko‘rinayotgan o‘smir bolamiz ham ich-ichidan bizga quloq solishni, biz bilan ahil-totuv bo‘lishni istaydi.

Biz, ota-onalar esa ana shu xohish-istakni anglay olishimiz, unga to‘g‘ri munosabat ko‘rsatishimiz kerak. Anglashilmovchilik holatlarida jazo uslubini qo‘llash foyda bermaydi. Xo‘sh, farzandimiz fe’l-atvoridagi yomon xulq belgilarini qanday qilib yo‘qotish mumkin?

1 — So‘z orqali tarbiyalang. Bola bilan muloqot qila olish tarbiyaning muhim jihatlaridan biridir. Bunga erishishning bir necha yo‘llari bor:

2 — Oldin muomala o‘rnating, keyin yo‘l-yo‘riq ko‘rsating. Kichik yoshdagi bolangizga biror muhim gapni tushuntirmoqchi bo‘lsangiz, oldin tiz bukib o‘tiring. Ko‘zingiz uning ko‘zi bilan tenglashsin. Chunki, ko‘z orqali axborot almashish katta ahamiyatga ega.

3 — Bolangizga ismi bilan murojaat qiling, ayniqsa, suhbat boshida. Qolaversa qisqa, lo‘nda va oddiy tilda gapiring.

4 — Asosiy maqsadingizni so‘zingiz boshidayoq ayting. Ayniqsa, aytmoqchi bo‘lgan gapingiz bitta bo‘lsa yoki bolangizning yoshi kichik bo‘lsa.

5 — Bolangizdan aytganlaringizni qaytarishini so‘rang.

6 — Farzandingizga rad etishi mumkin bo‘lgan ishni buyuring. Masalan, «Kiyinib olsang, aylangani chiqamiz», deb ko‘ring.

7 — Tasdiq gaplarni ishlating. «Pichoqqa tegma!» deyish o‘rniga «Pichoq o‘tkir, qo‘lingni kesishi mumkin. Ehtiyot bo‘l», deb ogohlantiring.

8 — Qo‘shni xonada turib «Ovqatga chiq!» deb baqirgandan ko‘ra, farzandingiz o‘tirgan xonaga kirib taklif qiling.

9 — Taklifli murojaatlardan foydalaning. Masalan, «Bugun qaysi kiyimimizni kiyamiz: qizilinimi, yashilinimi?»

10 — Bolaning yoshiga mos gapiring. Ikki-uch yoshli bolaga «Nimaga bunday qilding?» yoki «Nimaga gapimga quloq solmayapsan?» qabilidagi savollarni bermang. U hali bu kabi savollarga javob berish yoshiga yetmagan.

11 — Muloyim bo‘ling, bolaning ko‘ngliga yoqadigan erkalatish so‘zlaridan foydalaning.

12 — Farzandingizni taqdirlang. Bu qimmatbaho sovg‘alar bo‘lishi shart emas. Masalan, «Narsalaringni tez yig‘ishtirsang, bitta zo‘r ertak aytib beraman», deb rag‘batlantirish mumkin.

13 — Hazil-mutoyiba qiling. Biroq hazilingiz o‘rinli chiqsin, haqorat va achchiq kinoyadan xoli bo‘lsin.

14 — Farzandingiz bilan shartnoma-kelishuv tuzing. Bu sizning ota-onalik maqomingizni pasaytirmaydi, aksincha mustahkamlaydi. Murosa usuli bilan ijobiy natijalarga erishasiz.

15 — Oilaviy yig‘ilishlar o‘tkazib turing. Bu oilada ichki tartib o‘rnatishga katta ko‘mak beradi. Siz xotirjam, bolalaringiz uquvli-idrokli bo‘ladi. Bu siz uchun ham, farzandlar uchun ham fikr-mulohazalarni ayta olish imkoniyatidir. Ko‘tarilgan masalalarni oydinlashtiring, ularga yechimlar toping.


Manba: UzBaza.Uz
Ctrl
Enter
Заметили ошЫбку
Выделите текст и нажмите Ctrl+Enter
Комментарии (0)
Топ из этой категории
How to download music to iPhone: 6 easy and free ways How to download music to iPhone: 6 easy and free ways
How to download music to iPhone: 6 easy and free ways You can transfer audio files from a computer or via the Internet...
11.05.24
1
0
O‘qishga kirish uchun minimal o‘tish ballari ko‘tariladi O‘qishga kirish uchun minimal o‘tish ballari ko‘tariladi
O‘qishgakirishuchunminimalo‘tishballari ko‘tariladi Ta’lim granti asosida tahsil olgan talabalarning o‘qishni...
08.05.24
147
0